حارة طحيمر
June 2, 2021
Views - 177
2014
أنا «مرداش عليوة النني» وناس الحارة بينادوني «مرداش العايق» وده علشان مهتم بتسريحة شعري، ودي الحاجة الوحيدة اللي طلعت بيها من الدنيا، لسه بحالته حتى لما أبّيض ما شاء الله لسه بخيره… والنبي تمسك الخشب. ما فيش حاجة شغلاني، أصحى بدري أفتح الشباك أنادي على الواد سعد بتاع الفول؛ ما هو عربيته قدامي؛ على طول يروح مناولنى طبق مخصوص ورغيفين وبصلة وقرن فلفل؛ وحسب الجو لو بارد يبقى بزيت حار ولو سخن يبقى بزيت عادي، ولو إنه واد وسخ ما تعرفش الزيوت اللي بيستعملها دي بيجيبها منين ولما سألته مرة قالي : دي أصلية، بس مش أي حد يستطعمها وأدينا بناكل وعايشين
عادل إدريس المسلمي